DISPENSATORIUS Panis

DISPENSATORIUS Panis

idem cum eo, quem Fiscalem vett. Interpres Persii, alii Gradilem dixêre, sc.

------ populo gradibus dispensus ab altis:

dictus est, qui populo gratis dividebatur, uti hîc passim visum. Eundem cum secundo facit vet. Interpres Horat. eum enim esse scribit (de secundo pane loquens) qui non sit siligineus, non primus, non postremus, sed dispensatorius. Quod mireris, cum vel a prima ipsa institutione, quae Aureliano Imp. vindicatur, populum Romanum siligineos panes, h. e. primos et mundos, accepisse constet. Sed fuisse rempus, in quo non mundos panes e Fisco percipiebat Populus, verum sordidos comparabat, ostendit l. 5. Cod. Theod. de pane grad. e qua colligas, mutasse id Valentinianum, vel potius in antiquum statum redegisse, ut populo de prima nora seu mundi panes iterum distribuerentur; quos ante ipsum de secunda nota, nec gratuitos, sed pretio e Fisco ccomparabat. Salmas. ad Vopisc. in Aurel.